Секции
Архива
| По | Вт | Ср | Че | Пе | Са | Не | |
|---|---|---|---|---|---|---|---|
| 1 | 2 | 3 | 4 | ||||
| 5 | 6 | 7 | 8 | 9 | 10 | 11 | |
| 12 | 13 | 14 | 15 | 16 | 17 | 18 | |
| 19 | 20 | 21 | 22 | 23 | 24 | 25 | |
| 26 | 27 | 28 | 29 | 30 | 31 | ||
Дали ви се допага насловот?
(вкупно 0 гласови)
Големина на фонт:
Мустафа-пашината џамија е меѓу најубавите монументи на исламската верска архитектура во Скопје. Со својот импозантен изглед, оваа џамија спаѓа меѓу најубавите џамии во Македонија. Нејзината архитектонска вредност се зголемува и поради нејзината извонредна позиција. Сместена на возвишението спроти скопското Кале, оваа џамија доминира над целата околина. Во приквечерината, нејзината извонредна силуета, која претставува совршенство на мир и елеганција, го плени секој минувач.Мустафа-пашината џамија е подигната во последната деценија од 15 век од страна на Мустафа-паша, висок функционер во Османлиската држава во периодот на Султан Бајазит 2 (1481-1512) и Селим 1 (1512-1520). На влезот од џамијата ќе го забележите натписот кој говори за времето на нејзината изградба. Овој натпис е напишан во проза со арапско писмо.Турбето на Мустафа-пашината џамија се наоѓа од нејзина југоисточна страна. Тоа е шестострано и од типит е на затворени турбиња со купола. Од својата надворешна страна турбето е обложено со мермер. Во внатрешноста се наоѓа еден саркофаг кои од страните е декориран со релиефи со растителни мотиви. Во земјотресот од 1963 година ова турбе претрпува оштетувања кои и ден денес се очигледни. Паднат е и натписот кој бил поставен на влезот од турбето. Овој оштетен натпис денес се чува во внатрешноста на објектот.
Коментари (0 пратено)
